طريقة عمل Chocolate volcano

اليكم اصدقائي طريقة عمل Chocolate volcano

المقادير : 4-5 اشخاص

165 غم زبده مقطعه مكعبات صغيرة
165 غم شوكولاته مقطعه مكعبات صغيرة
3بيضات كاملين بحرارة الغرفه
3 صفار بيض بحرارة الغرفه
8 ملاعق كبيره سكر
2ملعقه كبيره طحين
زبده لدهن القوالب وملعقه كاكاو لرش القوالب

الطريقه :

ندهن قوالب خاصه بالفرن بالزبده منيح ( لازم تكون كلها مدهونه منيح ) نرش كاكاو ولازم نتأكد انها تغلفت منيح بالكاكاو ونتخلص من الزياده بهزها وهي مقلوبه

توضع الزبده والشوكولاته في طبق زجاجي فوق حمام مائي وتترك لتذوب تماما
بالخفاق الكهربائي يخفق البيض والصفار والسكر حتى يفتح لون البيض شوي 3-4 دقائق
يضاف مزيج الزبده والشوكولاته الى البيض وباستخدام مبسط نمزج الخليط بدون مبالغه في طريقة المزج( folding)
بعدين ننخل الطحين وبنمزجو مع الخليط بنفس الطريقه
يوزع الخليط على القوالب لملئ ثلاثة ارباع القالب او اكتر شوي
يوضع في فرن محمى مسبقا 200 درجه

هلأ هون بدنا ننتبه منيح كتير
لأنو ازا انطبخ اكتر من الوقت ما رح تطلع النتيجه متل اللي بالصورة وينزل سائل الشوكولاته من قلب البركان ورح يكون كلو متل الكيك
لازم يضل بالفرن 12 دقيقه او 14
بتقدرو تفتحو الفرن بعد 10 دقايق تتفقدوه وبس تشوفو سطح الخليط بطل يلمع وبلش يستوي ويرتفع شوي بدون ما يتشقق بنطلعو من الفرن فورا وبنتركو دقيقتين تلاته وبعدين بنقلبو بصحن ويقدم ساخن لانو ازا برد السائل اللي جوا رح يتماسك
مع العلم انو كل فرن بيختلف عن التاني.

ازا ما عندكم اطباق خاصه بالفرن بتقدرو تستعملو صحون شوربه اللي بتكون طقم كامل من الفخار بس بشبه الزجاج ( غير شفاف) انا هون استعملت فناجين شاي فخاريه

كتير طيب يتقدم مع بوظة الفانيلا

وصحتين وعافيه ( :