طريقة عمل شوربة البطاطا

لك سيدتي وصفة شوربة البطاطا الشهية وهي اشهى شوربة يمكنك عملها .

المقادير :
بصلة
زبدة
زيت
3 فصوص ثوم
حبتين بطاطا
ماء
مكعبين ماجي
ملح
فلفل ابيض
زنجبيل
علبة كريمة صغيرة

بتقلي بصلة مكعبات بشوية زبدة وزيت نباتي لتدبل و3 فصوص توم مدئوء وبعدين بتحطي حبتين بطاطا مئطعين مكعبات وبتقلبيون وبتغطي الطنجرة على نار هادية لياخدوا الطعمة من بعض شي 5 دئايئ وبعدبن منغمرهن مي سخنة ومنحط مكعبين ماجي ومنزبط الملح ورشة فلفل ابيض ورشة زنجبيل ومنتركهن ليستوا منيح ومنضيف علبة كريما صغيرة للطبخ وبس يغلواشوي منطفي الغاز ومنحط جبنة موزاريلا بقلبون شوي ومنحركون وبعدين منحط عالوش وصحتيييين
ملاحظة : يلي بتحب الشوربة تطلع كريمية ومافيها ئطع تضربون بالخلاط اخر شي