طريقة عمل سلطة سيزر الشهية

اليوم نعرض لك سيدتي طريقة عمل سلطة سيزر الشهية والغنية ,

مكونات سلطة سيزر :

  • خس مقطع قطع متوسطة الحجم
  • صدور دجاج
  • توست طري
  • بندورة كرزية
  • جبنة بارميزان
  • صوص السيزر

طريقة عمل سلطة سيزر :

نقوم بتتبيل صدور الجاج بزيت زيتون – نصف ليمونة مع سن توم مهروس – معلقة صويا صوص – ملح و فلفل و مننقعون شي نص ساعة بعدين منحطون بالفرن مع التقليب ليستووا…

منجيب التوست الطري و مندهنون من الجهتين بزيت زيتون و أوريغانو بعدين منقطعون مربعات متساوية و منحطون بالفرن شي ربع ساعة أو اكتر شوي مع التقليب لحتى يصيروا قاسيين منيح…

مكونات صوص السيزر :

  • 3 معلقة كبيرة مايونيز ” تكون المعلقة معباية منيح “
  • نصف معلقة صغيرة خردل ديجون
  • 2 معلقة كبيرة زيت زيتون
  • نصف ليمونة معصورة
  • رشة صغيرة بودرة توم و ملح
  • 3 نقط صوص الونشستر

طريقة التحضير :

منحط الخس و فوقو الجاج و البندورة و التوست بعدين منحط الصوص عالوش و آخر شي منرش شوية بارميزان أو أي جبنة أنتوا بتحبوها و فيكون كمان بلا جبنة…

أنا جربت كتير طرق للصوص بس لقيت هاد أطيب شي و صحتين و هنا