طريقة عمل سلطة الناتشوز

اليوم راح نقدملكم طريقة عمل سلطة ناتشوز الشهية والمفيدة وحلاوه هالسلطه كل شي عندك خضرا بتقدري تحطيه فيها كلو بيزبط معا ..

مكونات سلطة الناتشوز :

  • فاصوليا حمرا
  • ملح
  • صلصة تباسكو
  • بصل اخضر
  • كزبرة
  • خس
  • ملفوف
  • فليفلة
  • بندورة
  • خيار
  • جزر
  • ذرة
  • زيتون اسود
  • جبنة كرفت تشيدر
  • لبن
  • لبنة
  • مايونيز
  • خردل
  • ليمون
  • ثوم بودرة
  • فلفل اسود

طريقة تحضير سلطة ناتشوز

اول شي بصحن التقديم بتحطي فاصوليا حمرا وبترشي شويه ملح وبتحطي صلصه تباسكو وبعدين بصل اخضر وكزبره بتخلطيهن سوا وبتضيفي خس النوع اللي بتحبيه اني بحط عادي وايسبرغ وبقلبن بالشوكة وبعدين ملفوف نوعين وكلو تقطيع سلطه احسن وبعدين فليفله لونين وبتقلبي وبندوره وخيار وجزر وذره وهلابينو وزيتون اسود وبتقلبي .. بالنسبه للجاج بعملا شرائح او مربعات بقلبا عالغاز بدون زيت وبرشلا ملح وفلفل وشويه ريحان يابس وبضيفا على وجه السلطه وبعدين ببرش جبنه كرفت تشيدر والصلصة اطيب شي .. لبن ولبنه ومايونيز وشويه خردل وعصره حامض ورشه ثوم بودره وملح وفلفل اسود واني بحب ضفلو صوص وتشستر ملعقه بتعطي طعمه طيبي وبتتاكل مع ناتشوز تشيدر.

وصحة وهنا