طريقة عمل بيتزا البطاطا

بيتزا البطاطا ,, طيبة كتييير وتغيير شكل عن البيتزا العادية ,,
رح اكتب أول شي الوصفة العادية وبعدين رح اكتب الوصفة تبع الريجيم لهالأكلة لانو خرج ريجيم بس طبعا بلا جبنة

بطاطا منسلئا ومنهرسا كتير منيح ومنحطلا بهارات البطاطا وملح ورشة كمون ورشة اوريغانو ورشة توم بودرة و رشة بابريكا ورشة كركم ورشة فلفل ومنحط معا جبنة مطبوخة تبع الدهن شي معلقتين كبار لكل 3 حباب بطاطا متوسطة الحجم و شوية حليب “ماتكتروا… مشان ماتفرط” لتصير لينة ونئدر نمدا
منجيب صينية مندهنا بشوية زيت نباتي ومنرش كعك مطحون اول طبقة ,, منمد فوقا البطاطا ومنرجع منرش عالوش كعك مطحون ومندخلا عالفرن ليحمر الوش شوي
منمعل صوص البيتزا ,, اي صوص انتوا متعودين عليه
انا بئطع بصلة وبقليها بشوية زيت وشوية توم مدئوء و فليفلة خضرا مئطعة ناعم وبندورة مئطعة ناعم ومكعب ماجي ومعلقتين رب البندورة واحيانا بحط فليفلة حمرا و اوريغانو وملح وفلفل وفطر وبتركن عالغاز ليستوا ويتعقدوا
بعدين بحطن فوق البطاطا وفوقا جبنة وعالفرن لدوب الجبنة وصحتيين

وصفة الريجيم : هي نفسا بس البطاطا بلا جبنة بقلبا و الحليب دايت ولا تحطوا كعك بسفل الصينية ولا فوقا بس بطاطا وعالوش صوص البيتزا وبدون جبنة موزاريلا او قشقوان عالوش ,, بتطلع صحية وخفيفة وتغيير شكل عن اكلات الريجيم العادي