نقدم لك سيدتي طريقة عمل شوربة اليقطين الشهية بشكل رائع ومميز .

المقادير:
يقطين مقشر
بصلتين
جزرتين
مكعب ماجي
حليب
ملعقة زبدة
ملعقة زيت نباتي
ملح
فلفل

الطريقة:
اول شي منقطع البصل والجزر واليقطين ومنقليهم شوي بملعقة زيت نباتي وشوية ملح لتدبل البصلة
بعدين منسلقهم بطنجرة الضغط ليستوي اليقطين يعني اول شي حطيها ربع ساعة وبعدين شوفيها اذا لسا ما استوت ارجعي اضغطيها لتستوي لحتى تصير اليقطينة بقولوا عنا بالشام (رايحة نيفا) فيكي تسلقيهم بطنجرة عادية اذا غير متوفرة طنجرة الضغط بس بياخدو وقت كتير بالسلق وبس تستوي منحطهم بالخلاط الكهربائي هنن والمي تبعهم ومنخلطهم ناعم اذا حسيتيهم سماك كتير بعد الخلط فيكي تضيفي مي يعني قوامها لازم يكون متل شوربة العدس وبعدين مننقلهم على طنجرة عادية عالنار منحط مكعب الماجي والحليب وملعقة الزبدة والفلفل وبس لتغلي شوي بتصير جاهزة للتقدي

شارك الموضوع
المقالة السابقةطريقة عمل شوربة الماجي بالشعيرية
المقالة التاليةطريقة عمل شوربة لسان العصفور